Экспорт операциялари бўйича қарздорлик учун жарима борасидаги норма

Корхонамиз хорижий корхона билан экспорт операциясиларини бир нечта шартнома асосида амалга оширган ва энг сўнгги шартнома бўйича муддати ўтган дебитор қарздорлик мавжуд. Солиқ Қўмитаси томонидан дебитор қарздорлик юзасидан бизга жарима қўлланилмоқда. Бу ҳолатда ВМҚнинг 22.08.2022 йилдаги 471-сонли қарорига 3-илованинг 7 «в»-бандида, экспорт операциялари бўйича муддати ўтган дебитор қарздорликнинг умумий суммаси муддати ўтган дебитор қарздорлик юзага келган санадан олдинги 36 ой давомида таъминланган валюта тушумининг 10 фоизидан ортиқ бўлмаган ҳолатларда, хўжалик юритувчи субъектларга ташқи савдо операциялари бўйича муддати ўтган дебитор қарздорлик учун жарима қўлланилмаслиги белгиланган.