Шартнома томони ўзгариши қандай расмийлаштирилади ва солиқ оқибатлари қандай

Инвестиция лойиҳаси доирасида А корхона (Ўзбекистон Республикаси юридик шахси) Б корхона (Туркия Республикаси юридик шахси) билан лойиҳа ишларини ишлаб бериш бўйича пудрат (импорт) шартномаси имзолади. Шартномага асосан А корхона 15 минг АҚШ доллари миқдоридаги тўловни амалга оширди, Б корхона 25 минг АҚШ доллари турадиган ишларни бажариб берди. Хукуматнинг инвестиция лойиҳаси мувофиқлаштирувчи кенгаши баёнига асосан ушбу шартноманинг актив ва 10 минг АҚШ долларига тенг қолган кредиторлик қарзи учинчи, яъни В корхонага (Ўзбекистон Республикаси юридик шахси) ўтказилди.