Ходимларга амалга ошириладиган тўловларнинг солиқ оқибатлари

ID 33145 саволга берилган жавобдан умуман қониқмадим. Шу сабабдан саволимни қайтадан ёзяпман. Ташкилот ЎзР ВМ 21.11.2019 йилдаги 924-сон қарорига 2-иловада белгиланган тўловларни амалга оширади, яъни ҳар ойда транспорт харажатларини қоплаш учун базавий ҳисоблаш миқдорининг икки баробаригача ва овқатланиш харажатларини қоплаш учун базавий ҳисоблаш миқдорининг тўрт баробаригача, шунингдек қишлоқ хўжалиги маҳсулотларини харид қилиш учун ходимларга бир йилда бир маротаба базавий ҳисоблаш миқдорининг ўттиз баробаригача бўлган миқдорда тўловлар. Бунда йўл пули ва овқат пули корхона харажатлари деб кўрсатилган, чипта пули ёки моддий ёрдам деб эмас. Саволимга ўтган сафар жавоб берган эксперт Д.Б. Саидовага Солиқ кодекси 369-моддаси 4 ва 6-бандлари билан яхшилаб танишиб чиқишни тавсия қиламан, чунки ходимларимизга амалга ошириладиган тўловлар шу бандларга тўғри келади ва ЖШДС бўйича солиқ оқибатлари келиб чиқмайди. Саволимга бошқа яхширок эксперт жавоб беришини сўрайман, жавобни кутиб қоламан.