Кафиллик (кафолат) бериш билан шуғулланувчи акциядорлик жамияти шаклидаги ташкилот ўз фаолиятини бошлади. Ташкилот фаолияти давомида соф активнинг 15 фоизидан баланд миқдордаги кафиллик (кафолат) шартномасини имзоламоқчи. ЎРҚ-370-сон Қонуннинг 83-моддасида жамият томонидан имзоланадиган битим (шу жумладан кафиллик шартномалари ҳам назарда тутилган) суммаси битим тузиш тўғрисидаги қарор қабул қилинаётган санада жамият соф активларининг 15 фоизидан ортиғини ташкил этса, йирик битим деб ҳисобланади, кундалик хўжалик фаолиятини юритиш жараёнида тузиладиган битимлар бундан мустасно деб кўрсатилган. Қонуннинг 84-моддасида эса битим суммаси жамият соф активининг 15 фоизидан 50 фоизигачасини ташкил этса, йирик битим тузиш тўғрисидаги қарор жамият кузатув кенгаши аъзолари томонидан бир овоздан қабул қилиниши кўрсатилган.