ҲМИ ҳисобидан молиялаштирилаётган лойиҳаларда ҚҚС

Осиё тараққиёт банки маблағлари ҳисобидан молиялаштирилаётган лойиҳа доирасида амалга оширилаётган объект бўйича ҚҚСдан имтиёз мавжуд, яъни мазкур объект бўйича бажариладиган ишлар ва лойиҳа учун сотиб олинадиган товарлар ҚҚСдан озод қилинган (СК 483-модда 45-қисм). Шу жумладан, лойиҳа учун четдан келтириладиган битум маҳсулоти ҳам ушбу имтиёз доирасига кириши масаласи юзага келмоқда. Маълумки, импорт қилинадиган товарларга божхона расмийлаштируви вақтида ҚҚС қўлланилади ва у Ўзбекистон бюджетига тўланади. Шу муносабат билан, мазкур имтиёзнинг импорт қилинадиган битум маҳсулотига қўлланилиши, шунингдек уни божхона органлари томонидан қўллаш тартиби юзасидан аниқлик киритиш зарурати мавжуд. Таъминотчи ҳам ушбу масала бўйича қонуний асосланган тушунтиришни сўрамоқда.