Амалга оширилмаган импорт операциялари бўйича ҚҚСни ҳисобга олиш мумкинми

Жамият трикотаж маҳсулотларини ишлаб чиқариш билан шуғулланади. Жамият томонидан топширилган 2026 йил март ойи ҚҚС ҳисоботининг 4-иловаси — «Харид қилинган товарлар (хизматлар) бўйича ҳисобварақ-фактуралар реестри»да Божхона БЮД маълумотларига асосан «Маҳсулот етказиб бериш қиймати (ҚҚСсиз) ва ҚҚС суммаси» автомат тарзда шаклланган. Бироқ жамият томонидан шу кунга қадар ҳеч қандай импорт операциялари амалга оширилмаган, шунингдек, божхона тўловлари, божхона божи ва солиқлар тўланмаган. Жамият ушбу операциялар қайси ташкилот орқали амалга оширилганлигини ҳам аниқлай олмаган. Шу сабабли БЮДда акс эттирилган товар-моддий захиралар 8530-счётга олинган ва уларнинг кирим таннархи қуйидаги тартибда шакллантирилган: (товарларнинг умумий фактура қиймати × валюта курси) + божхона йиғими + давлат божи + тўланган ҚҚС (код 29).