Импорт қилинган технологик қолиплар бўйича харажатларни қоплаш

МЧЖ чет эл корхонаси (Россия) билан тузилган экспорт шартномаси шартларига асосан чет эл корхонасига кейинчалик экспорт қилинадиган махсулотларни ишлаб чиқариш учун зарур бўладиган технологик-қолиплар (штамп)ни тайёрлаш ва иш ҳолатига келтириш учун МЧЖ томонидан қилинадиган харажатларни ўзаро тузилган далолатнома асосида қоплаб беради. МЧЖ ушбу қолипларни тайёрлаш учун Хитойдаги корхона билан шартнома тузган ва пул маблағларини ўтказган. Ҳозирда қолиплар тайёрланган ва МЧЖга олиб келинган. МЧЖ ва чет эл корхонаси ўртасида тузилган шартномага асосан технологик-қолиплар чет эл корхонасининг мулки сифатида этироф этилади ва МЧЖ уларни балансдан ташқарида ҳисобини олиб боради.