Норезидентга даромадни солиқ ушлаб қолмасдан тўлаб бериш

Корхонамиз сотиб олинган транспорт-логистика хизматлари учун норезидент А корхона олдида 87 000 АҚШ доллари миқдорида кредитор қарздорлик мавжуд. А корхона мурожаатига асосан мазкур қарздорликни талаб ҳуқуқини бошқа норезидент Б корхонага худди шу суммада ўтказишга келишилди. Шу муносабат билан А корхонанинг корхонамиздан қарздорликни талаб қилиш ҳуқуқидан Б корхона фойдасига воз кечишини назарда тутувчи қўшимча келишув имзолаш ва уни ТСОЯЭАТда рўйхатдан ўтказиш режалаштирилмоқда. Мазкур ҳолатда Б корхонада норезидент даромадидан олинадиган даромад солиғи бўйтча солиқ оқибатлари вужудга келиши мумкинлиги тўғрисида огоҳлантирдик. Б корхона солиқни ушлаб колмаслигимиз учун резидентлик сертификати нусхасини тақдим этди.