Тошкент шаҳар ҳокими А.Файзиев Тошкент шаҳар соғлиқни сақлаш бошқармасига Тошкент шаҳридаги жами қанча тиббий муассаса борлигини, уларда қанча ходим ишлашини ҳамда ушбу тиббий муассасаларнинг моддий-техник аҳволи ҳақидаги 2014 йилга оид маълумотларни бериш бўйича топшириқ хати юборди. Аммо, Тошкент шаҳар соғлиқни сақлаш бошқармаси Тошкент шаҳар хокимининг топшириғини бажаришдан бош тортиб, бошқарма Тошкент шаҳар ҳокимлиги тўғридан-тўғри буйсунмаслигини важ қилиб келтирди. Бошқарманинг мазкур жавобидан норози бўлган Тошкент шаҳар ҳокими А.Файзиев бошқарма бошлиғини ишдан бўшатиш ҳақида Соғлиқни сақлаш вазирига тақдимнома киритди. Тошкент шаҳар соғлиқни сақлаш бошқармаси қайси ташкилотга бўйсунади: Тошкент шаҳар ҳокимлигигами ёки Соғлиқни сақлаш вазирлигигами?