Рискуллаев Абдусалам Абдувалиевич
Должность: - юрист
Специализация: трудовое право
Вазирлар Махкамасининг «Ўзбекистон Республикасида янги меҳнат дафтарчаларини жорий қилиш тўғрисида» 1995 йил 6 июлдаги 258-сон қарори билан Ўзбекистон Республикасида янги меҳнат дафтарчалари тасдиқланган.
Ҳозирги вақтда Ўзбекистон Республикаси ҳудудида янги намунадаги меҳнат дафтарчалари юритилмоқда. Янги намунадаги меҳнат дафтарчалари 1996 йил 1 апрелдан кейин биринчи марта меҳнат шартномаларини тузган ходимларгагина берилмоқда.
Совет Иттифоқи вақтидаги 2 тилдаги бланкалар ўз кучини (1996 йил 1 апрелдан) йўқотган бўлсада, улар хали хам баъзи бир муассаса, ташкилот ва корхоналарда хамда "Шарқ" нашриёт-матбаа концерни томонидан тайёрланмаган сохта – бланкаларни юритиш амалиёти мавжуд.
Бу ҳақда 2012-2015 йиллар давомида “Норма маслаҳатчи” газетасида:
- "Меҳнат дафтарчасининг ҳақиқийлигини текширинг";
- “Меҳнат дафтарчаси дўкондан сотиб олинмайди”;
- “Эҳтиёт бўлинг: сохта меҳнат дафтарчаси”;
- “Алмаштириш керак”;
- “Асосий иш берувчи тўлдиради”;
- “Меҳнат дафтарчасига ёзилмайдиган иш стажи; ва х.к. рукни билан чиқишлар қилинган бўлиб, уларда Меҳнат дафтарчасининг дубликати Меҳнат дафтарчаларини юритиш тартиби тўғрисидаги (Меҳнат вазирлиги ва Ижтимоий таъминот вазирлиги томонидан тасдиқланган, АВ томонидан 29.01.1998 йилда 402-сон билан рўйхатдан ўтказилган) йўриқноманинг IV бўлимида белгиланган қоидаларга кўра қандай тўлдирилиши бўйича фикрлар берилган.
Ходимга нисбатан 2016 йил 4-январда қабул қилинган буйруқ бўйича қуйидагиларга эътибор қаратиш зарурдир. Ходимнинг меҳнат дафтарчасига киритиладиган сана, яъни ишга қабул қилиш санаси, Меҳнат кодексининг 83-моддасига мувофиқ Меҳнат шартномасида ходим қайси кундан бошлаб у ўзининг меҳнат вазифаларини бажаришга киришмоғи лозимлигига боғлиқ бўлади.
Мурожаатда кўтарилган бошқа саволларга жавоблар - NORMA.uz сайтида, “Норма маслаҳатчи” газетасида танишишингиз ва уларни амалиётда қўллашингиз мумкин.
Жавоблар улар эълон қилинган санада долзарб ҳисобланади.