Ермохина Елена

Должность: - юрист

Специализация: наследование; банковское право; корпоративные отношения; лицензирование

Марказий банк бошқаруви қарори билан тасдиқланган Ўзбекистон Республикаси банкларида очиладиган банк ҳисобварақлари тўғрисида Йўриқномага (рўйхат рақами 2009 йил 27 апрелдаги 1948-сон) киритилган ўзгартиришлар билан 2015 йил 21 сентябрдан бошлаб юридик шахслар ўз асосий ҳисобварағини очгандан кейин улар ҳисобга қўйилган давлат солиқ хизмати органини хабардор қилган ҳолда бошқа банкларда миллий ва чет эл валютасидаги иккиламчи талаб қилиб олингунча депозит ҳисобварақларини очиш имконини берадиган норма бекор қилинди (Марказий банк бошқарувининг “Ўзбекистон Республикаси банкларида очиладиган банк ҳисобварақлари тўғрисидаги йўриқномага ўзгартириш ва қўшимчалар киритиш ҳақида” қарори, АВ томонидан 15.09.2015 йилда 1948-10-сон билан рўйхатдан ўтказилган).

Шуни алоҳида қайд этишни хоҳлардикки, юқоридаги норманинг бекор қилиниши, мижозларнинг бошқа банкларда иккиламчи ҳисобварақлар очиш ҳуқуқларини бекор қилмайди. Эслатиб ўтамиз, мазкур ҳуқуқ Ўзбекистон Республикаси банкларида очиладиган банк ҳисобварақлари тўғрисида Йўриқноманинг 3-бандида (рўйхат рақами 2009 йил 27 апрелдаги 1948-сон) кўзда тутилган.