Солиқ кодекси 89-моддасининг учинчи ва тўртинчи қисмларига биноан қисқа муддатли текширув ўтказиш муддати бир иш кунидан ошмаслиги керак ва бу муддатни узайтиришга йўл қўйилмайди. Масалан, чакана савдо билан шуғулланувчи якка тартибдаги тадбиркор ўзининг иш кунини соат 09.00 дан 18.00 гача (орасида бир соатлик тушлик танаффус билан) ўрнатган. Бу ҳолда қисқа муддатли текширув ўтказиш муддатини ҳисобланиши қайси пайтдан (солиқ тўловчининг иш куни бошланиш пайтиданми, солиқ ходимлари томонидан текширувни ўтказишни ҳақида эълон қилинганлиги пайтиданми ёки умуман бошқа пайтиданми) бошланади?