Бандлик ва меҳнат муносабатлари вазирлиги томонидан ҳали 2018 йил учун иш вақти меъёрининг давомийлиги бўйича маълумот берилмади. Лекин Меҳнат кодексида 131-моддасида байрам кунлари белгилаб қўйилган. Фақатгина Рўза ҳайит (Ийд ал-Фитр) диний байрамининг биринчи куни ва Қурбон ҳайит (Ийд ал-Адҳа) диний байрамининг биринчи кунига аниқ сана белгиланмаган ва бунга ҳам одатда Мусулмонлар идораси томонидан ишлаб чиқиладиган ҳижрий тақвимдаги маълумотлар асос қилиб олинади ва гоҳида улар ўзгариши ҳам мумкин. Мисол учун, жорий 2017 йил учун Қурбон ҳайит (Ийд ал-Адҳа) диний байрамининг биринчи куни 2 сентябрга тўғри келиши белгиланганди, лекин у 1 сентябрга ўзгартирилди. Ҳомиладорлик ва туғиш таътилини ҳисоблаб чиқишда унинг муддати тўғри келадиган ҳар бир ойдаги иш куни муҳим саналади. Бу "Давлат ижтимоий суғуртаси бўйича нафақалар тайинлаш ва тўлаш тартиби тўғрисида низом" (рўйхат рақами 1136, 2002 йил 8 май)нинг 55 бандида белгиланган. Ходима 2017 йил 15 сентябрдан 19 январгача бўлган давр учун меҳнатга қобилиятсизлик варақаси келтирди.