Илмий тажриба хўжалиги асосан мевали кўчатларни етиштириш ва сотиш билан шуғулланади. Хўжаликнинг тасарруфидаги жами ерлар таркибида суғориладиган ерлар, боғлар, узумзорлар, кўчатзорлар, теракзорлар, ариқ ва зовурлар, йўллар эгаллаган ерлар ҳамда бошқа ерлар мавжуд. Хўжалик томонидан тасарруфидаги ёш боғлар эгаллаган ҳамда бошқа суғориладиган ер майдонларидан қишлоқ хўжалик маҳсулотларини етиштириш (сабзи, пиёз, картошка, мевали дарахт ва ҳ.к.) мақсадида фойдаланиш бўйича оилавий пудратчилар билан шартномалар тузилади. Шартномага асосан Пудратчига ер майдонида хўжалик томонидан буюртма қилинган қишлоқ хўжалик маҳсулотларини етиштириш мажбурияти юкланади, яъни пудратчи етиштирган ва буюртма қилинган маҳсулотни хўжалик омборига топширади.