6.11.2017й. Ф-5107-сонли Президент фармойишига асосан "Узбекгидроэнерго" акциядорлик жамияти (кейинги ўринларда – АЖ деб юритилади) ҳамда унинг таркибига кирувчи корхоналар фаолияти текширилган. Натижалари бўйича тузилган маълумотномада АЖ марказий аппаратида ишлаган 31 та ходим билан тузилган меҳнат шартномалари бекор қилинганда, фойдаланилмай қолган қўшимча таътил кунларини нотўғри ҳисобланиши оқибатида ортиқча тўлов амалга оширилганлиги, ушбу суммани ундириб олиш лозимлиги ёзиб қўйилган. Меҳнат шартномаларида 15 иш кунидан иборат асосий ва 9 иш кунидан иборат қўшимча, жами 24 иш куни йиллик меҳнат таътили беогиланган. Жамоа шартномасида эса асосий таътил 15 иш куни, қўшимча таътил 3 иш куни, жами 18 иш куни қилиб белгиланган. Жамоа шартномаси ва меҳнат шартномалари ўртасида таътил кунлари бўйича тафовут пайдо бўлган.