Корхонамизда таътилларни бериш жадвали календарь йил бошлангунга қадар тасдиқланиб, ходимлар у билан таништирилган. Амалиётда, ходимлар шахсий сабабларга кўра меҳнат таътилига айнан бир санада чиқишни аризада сўрашади. Ушбу ҳолатда ходимнинг меҳнат таътилига ҳақ тўлашда МКнинг 148-моддаси 2-қисми талабларини бажариш имкони бўлмайди. Айримлар ходимни таътилга чиқариш ҳақидаги буйруқ камида 15 кун олдин расмийлаштирилиши кераклиги, шундагина ходим бу ҳақда огоҳлантирилган, деб ҳисобланиши тўғрисидаги фикрларни билдиришмоқда.