Янгибозор туман ҳокимининг 2015 йил 4 майдаги 412-сонли қарори билан "Диёр қурилиш монтаж" хусусий корхонасини ташкил қилганман. Корхонанинг асосий фаолияти ғишт ишлаб чиқаришдан иборат бўлиб, 3 гектар ер майдонида ғишт ишлаб чиқариш лойиҳаси амалга оширилди. Лекин электр энергияси билан таъминлашда доимо муаммо бўлганлиги сабабли ишлаб чиқариш тўхтатилган. Эндиликда корхона ер майдонидан унумли, самарали ва оқилона фойдаланиш мақсадида хусусий корхонанинг ғишт ишлаб чиқариш фаолиятини ўзгартириб, балиқчилик фаолияти билан шуғулланиш, яъни сунъий сув ҳавзаларида интенсив усулда балиқ етиштириш ва овлаш лойиҳасини амалга оширишни ўз олдига мақсад қилиб қўйган. Шунинг учун хусусий корхонанинг асосий фаолиятини балиқ етиштириш фаолиятига ўзгартириш зарур бўлмоқда. Бу масалада туман ҳокимлигига оғзаки мурожаат қилинганда, дастлаб хусусий корхона ерини давлат захирасига топширишни талаб қилиб, кейинчалик тендерда қатнашиб, балиқчилик фермер хўжалиги ташкил қилишни айтишди. Шу тўғрими?