Компаниямизга қарашли 2 та корхона бир юридик манзилда (бир бино ичида) жойлашган бўлиб, бир хил фаолият тури (ишлаб чиқариш)ни олиб боради. Компания малакали мутахассислар меҳнатидан унумли фойдаланиш мақсадида биринчи корхонадаги айрим мутахассисларни иккинчи корхонага ўриндошлик асосида ишга қабул қилган. Вазирлар Маҳкамасининг 2012 йил 18 октябрдаги 297-сон қарори билан тасдиқланган Ўриндошлик асосида ҳамда бир неча касбда ва лавозимда ишлаш тартиби тўғрисидаги низомнинг 11-бандида ўриндошлар меҳнатига ҳақ тўлаш меҳнат шартномасига мувофиқ: меҳнатга ҳақ тўлашнинг ишбай шаклида - ҳақиқатда бажарилган иш учун; меҳнатга ҳақ тўлашнинг вақтбай шаклида - ишланган вақтга мутаносиб тарзда амалга оширилиши белгиланган.