Бизнинг корхона бир неча йиллардан бери буюртмачининг ишлаб чиқариш ускуналаридан шартнома асосида фойдаланиб келади. Шартнома шартларига кўра ускуналардан текинга фойдаланамиз. Бунда ускуналарнинг йиллик амортизация қийматини аниқлаб, ушбу суммани текин олинган мол-мулк, мулкий хуқуқлар сифатида фойда солиғини ҳисоблашда солиқ солинадиган базага қўшиб, фойда солиғи тўлаб келар эдик. 2020 йил 1 январдан кучга кирган янги таҳрирдаги Солиқ кодексининг 299-моддаси 5-қисмида «Ўзбекистон Республикасининг норезидентлари томонидан бериладиган қарзларга, солиқ тўловчилар консолидациялашган гуруҳининг бир иштирокчиси томонидан айни шу консолидациялашган гуруҳнинг бошқа иштирокчисига бериладиган қарзларга (қайтариб бериш шарти билан молиявий ёрдамга) нисбатан татбиқ этилмайди» деб қайд қилинган. Буюртмачи корхона билан консолидациялашган бир гуруҳнинг аъзоси ҳисобланамиз.