Комиссионер орқали тайёр овқатларни сотишда бухгалтерия ўтказмалари

Корхонамиз иш фаолияти - умумовқатланиш. "Mydijital" компанияси билан шартнома тузилган, унга асосан "Mydijital" жисмоний шахслардан қабул килинган буюртмалар асосида тайёр овқатларни кўрсатилган манзилга етказиб беради ва сотилган маҳсулотнинг умумий суммасидан 20% миқдорида комиссияга эга бўлади. Тўловлар накд пул билан ва терминал орқали қабул қилинади. Нақд пулни тўлов амалга ошган куннинг ўзида "Mydijital" бизнинг кассамизга олиб келиб топширади. Терминал орқали тўланган пуллар "Mydijital"нинг ҳисоб рақамига тушади. Кейинги ойнинг 5 санасигача бўлган муддатда ўзаро ҳисоб-китоб амалга оширилади, яъни махсулот етказиб бериш жараёнидаги бир ойлик тушум пулларидан 20%ини чегирган ҳолда, қолган суммани "Mydijital" компанияси бизнинг ҳисоб рақамимизга ўтказиб беради. Масалан, тушум: накд 18 млн. сўм, терминал орқали 15 млн. сўм, ой давомида нақд пул кассамизга келтириб топширилган. "Mydijital" даромади 33 млн.*20% = 6,6 млн., бизга кейинги ойнинг 5-санасигача ҳисоб рақамимизга 8,4 млн. сўм (15 млн. – 6,6 млн.) ўтказиб беради.