Олдинги йиллардаги асосий воситага алоқадор бухгалтерия ўтказмаларини тузатиш

2017 йилда корхона 153 млн. сўмга асосий восита сотиб олиш учун шартнома тузган. Етказиб келтирилган асосий восита носоз чиққанлиги сабабли бу восита етказиб берувчига қайтариб берилган, бунда ҳисобварақ-фактура ҳам имзоланмаган. Лекин нима сабабдандир бу асосий восита 2017 йилда 1С дастурига 0100 счётга 153 млн.сўм бошланғич қиймат билан кирим қилинган. Ўшандан буён унга эскириш ҳисобланиб 0200 счётида жамғарилиб келинган, 8510 счётида қайта баҳолаш сальдоси ҳам мавжуд. Бугунга келиб 1С дастурида асосий воситанинг 0100 счётдаги тиклаш қиймати 235 млн.сўм бўлиб турибди. Дастурдаги маълумотларга кўра 6010 счётида ушбу асосий воситани сотган мол етказиб берувчидан қарздорлигимиз ҳам бор. Мол етказиб берувчи билан бу холатни кўриб чиқдик ва солиштирма далолатнома имзоладик. Маълумотлар дастурга хато киритилганлиги ҳамда хисобварақ-фактура имзоланмаганлиги солиштирма далолатномага асосан маълум бўлди. Бу суммалар корхонамиз учун аҳамиятли. Мол етказиб берувчи бугунги кунда ўша шартномага асосан худди шундай асосий воситани сотди.