Кунгабоқар ёғини ҚҚСсиз сотиш мажбурий

Корхона ҚҚС тўловчиси ва ҚҚС ҳисоботини мутаносиб усулда тақдим этиб келмоқда. 29.04.2021 йилдаги №ЎРҚ-689 сон Қонунга асосан 1.05.2021 йилдан 31.12.2021 йилгача кунгабоқар ёғи маҳсулотини олиб кириш ва сотиш ҚҚСдан озод қилинган. Жамият томонидан июнь ойида кунгабоқар ёғи олиб келинди ва ҚҚСсиз сотилди. Кунгабоқар ёғи реализацияси жами реализациянинг 5 фоизини ташкил этди. Натижада йил бошидан ҳисобга олинган ҚҚСнинг 5%и автоматик тарзда чегириб ташланди. ҚҚСдан озод қилинган маҳсулотни сотишда ҚҚС тўламасак-да, лекин чегириб ташланадиган ҳисобга олинган ҚҚС анча юқори бўлмоқда ва корхонага зарар келтирмоқда.