СК 369-моддасига кўра жисмоний шахсларга тўловлар ЖШДС ва ижтимоий солиқ ҳисоб-китобида акс эттирилмаслиги

Корхона ўз ходимларига СК 369-моддасида кўрстилган даромадларни тўлаб берган. Ушбу модданинг 1-қисмига асосан ходимларига тўлаб берган даромадлари: донорлик учун пул мукофотлари, шунингдек тиббиёт муассасаларининг ходимлари томонидан қон олганлик учун олинадиган суммалар; қонунчиликка мувофиқ уй-жой-коммунал хизматлар ҳақини тўлаш бўйича ҳар ойлик компенсация пул тўловлари; давлат пенсиялари, қонун ҳужжатларида белгиланган нафақалар, бундан вақтинча меҳнатга лаёқатсизлик нафақаси (оиланинг бетоб аъзосини парвариш қилиш бўйича нафақа) мустасно. Ушбу модданинг 2-қисмига асосан ходимларига тўлаб берган даромадлари: фавқулодда ҳолатлар муносабати билан етказилган зарарлар суммаси доирасида бериладиган моддий ёрдам суммалари; хизмат сафарларига оид компенсация тўловлари; қонунчиликда назарда тутилган нормалар доирасида ходимга тўланадиган компенсация тўловлари (компенсациялар); меҳнатда майиб бўлганлик ёки соғлиққа бошқача тарзда шикаст етганлик билан боғлиқ зарарнинг ўрнини қоплаш бўйича қуйидаги миқдордаги тўловлар; ходимларнинг малакасини ошириш ва уларни қайта тайёрлаш харажатлари.