Лизинг объекти бўйича мол-мулк солиғи харажатларининг лизингга берувчи томонидан қопланишида солиқ оқибатлари.

Корхона кўчмас мулк объектини узоқ муддатли ижарага лизинг шартномаси асосида берди. Ўзбекистон Республикаси Солиқ Кодексининг 410-моддаси 3-қисмига асосан, агар юридик шахс кўчмас мулкни молиявий ижарага (лизинг) олган бўлса, у ҳам солиқ тўловчи деб эътироф этилади. Шунингдек, 425-модда 2-қисмига асосан, кўчмас мулк ижарага берилган тақдирда, ижарага берувчи солиқ тўловчи деб эътироф этилади. Бунда молиявий ижара (лизинг) шартномасига мувофиқ кўчмас мулк объектлари бўйича ижарага олувчи (лизинг олувчи) солиқ тўловчи деб эътироф этилади, деб белгиланган. Лекин ижарачи ташкилот раҳбарининг талабига асосан молиявий ижарага олувчи ташкилот томонидан тўланган ер ва мулк солиғи суммалари ижарага берувчи ташкилот томонидан қоплаб берилади, деган банд молиявий ижара (лизинг) шартномасига мажбуран қўшиб қўйилди.