МЧЖ томонидан Мажбурий ижро бюроси бўлимининг 2021 йил 26 октябрдаги қарори асосида банк (даъвогар) фойдасига электрон онлайн-аукционга қўйилган қарздорга (жавобгар) қарашли бинолар 2021 йил 21 декабрда сотиб олиниб, пул маблағлари тўланди. Аукциондан сўнг 2021 йил 24 декабрда суд жавобгар аризасига кўра ижро иши юритишни кейинги иш кўрилгунга қадар тўхтатиш тўғрисида ажрим чиқарган. Мажбурий ижро бюроси бўлими эса ушбу ажрим асосида, аукцион натижалари ҳақидаги баённома бўлса-да, биноларни бизга топширмаяпти. Бизнингча, қарздор (жавобгар) банк (даъвогар) билан тузилган гаров шартномасини ҳақиқий эмас деб топиш тўғрисида ариза киритмоқда ёки вақтни чўзиб, маблағ топиб банкдан қарзини узмоқчи.