Жамоат транспорти бекати эгаллаган ерларга ер солиғи солинмаслиги

Корхонамиз номи «Урганчавтошоҳбекат» МЧЖ бўлиб, Республика ва халқаро миқёсда йўловчиларни ташиш хизматини кўрсатади. Ушбу жамият 2021 йил 30 декабрь кунигача 100% улушда давлатга тегишли бўлган. 2021 йил 30 декабрь кунида савдога қўйилган хамда хусусий тадбиркор томонидан сотиб олинган. Олдинги даврларда ДСИ томонидан ўтказилган текширишларда олдинги йиллар учун жами 86 млн сўм ер солиғи ва 16 млн сўм пеня (молиявий санкция) ҳисобланиб ундирилган. Амалдаги Солиқ кодексининг 428-моддасига, 2007 йил таҳриридаги Солиқ кодексининг 282-моддасига асосан солиқ солинмайдиган ер участкалари жумласига шаҳар электр транспорти йўллари ва метрополитен линиялари, шу жумладан жамоат транспорти бекатлари ва метрополитен станциялари ҳамда уларнинг иншоотлари эгаллаган ерлар киради. Жамиятимиз жойлашган умумий ер майдони 0,689 гани ташкил этиб, унда офис ва транспорт тураргох бекатлари мавжуд. Солиқ органи ходимлари Солик кодексида кўрсатилган солиқ имтиёзлари «Урганчавтошоҳбекат» МЧЖга кўлланилмаслигини эътироф қилмоқдалар.