Импорт қилинган товарларни сотишда ҚҚС

Корхона ҚҚС тўловчиси, фаолияти улгуржи савдо, сотиладиган товарлар 100% импорт товар. Қолдиқ ва чиқиб кетаётган маҳсулотларнинг қийматини аниқлашда ўртача тортилган қиймат (АVECO) даврий усулидан фойдаланади. Корхонага бир ойда бир хил маҳсулотдан икки марта импорт бўлиб кирим бўлди. Биринчи кирим қилинган товарларнинг таннархи 5000 сўм (божхонада ўша таннарх бўйича ҚҚС тўланган, метод 1, қўшимча ҳаражатлар йўқ), иккинчи кирим таннархи 7000 сўм (божхонада ўша таннарх бўйича ҚҚС тўланган, метод 1, қўшимча ҳаражатлар йўқ). Товарлар бозор қиймати бўйича ҚҚС билан сотилган, ҚҚСсиз нархи 6200 сўмдан 6500 сўмгача бўлган, ушбу суммага ҚҚС ҳисобланган. Корхона товарлар қийматини аниқлашда фойдаланиладиган усулга асосан ўртача нарх 6000 сўм. Лекин СК 248-моддасида “Ўзбекистон Республикаси ҳудудига олиб кирилган (импорт қилинган) товарларни реализация қилиш чоғида солиқ базаси ушбу товарларни олиб кириш (импорт қилиш) чоғида бюджетга ҳақиқатда тўланган солиқ ҳисоблаб чиқарилган қийматдан паст бўлиши мумкин эмас” дейилган.