Ҳомиладорлик ва туғиш бўйича нафақа ҳисобланиши

Ходимамиз 126 кунлик ҳомиладорлик ва туғиш таътилига чиқди. Унинг ойлик маоши 1 млн.сўм. Корхонамизда 1 йилдан ортиқ ишлайди. Унга бу вақт учун нафақа тўлаб беришимиз керак. Давлат ижтимоий суғуртаси бўйича нафақалар тайинлаш ва тўлаш тартиби тўғрисида Низомнинг 55-бандида бундай дейилган: «Нафақанинг умумий суммаси кунлик нафақани ушбу ойда вақтинча меҳнатга қобилиятсизлик (ҳомиладорлик ва туғиш таътили) туфайли ишга келмаган иш кунлари сонига кўпайтириш йўли билан аниқланади».