ПФ-5996-сон Фармонга кўра имтиёз қўллаш имконияти

Биз ИФУТ 13201 фаолиятига асосланган МЧЖ ҳисобланамиз. Йиллик ўртача ишчилар сони 110 тага етиб бормайди. Президентнинг 18.05.2020 йилдаги № ПФ-5996-сон Фармони 1-бандида 2020 йилнинг 1 июнидан 1 сентябригача бўлган даврда мол-мулк солиғи ва ер солиғини тўлашдан озод этилган юридик шахслар санаб ўтилган. Унга кўра ушбу солиқлардан озод этилганлар: кичик тадбиркорлик субъектлари, бозорлар ва савдо комплекслари, кинотеатрлар, умумий овқатланиш корхоналари, жамоат транспорти корхоналари, спорт-соғломлаштириш муассасалари, шунингдек, йўловчи ташиш, маиший хизматлар кўрсатиш, биноларни, шу жумладан банкетлар ўтказиш учун ижарага бериш фаолияти билан шуғулланувчи юридик шахслар. Солиқ текширувчиси "Санаб ўтилган юридик шахслар кичик тадбиркорлик субъектлари бўлсагина имтиёз қўлланиши мумкин, сизларнинг корхонангиз имтиёзга тушмайди", деб ўша давр учун солиқ тўлашимиз кераклигини айтяпти.