Ўзбекистон Республикаси Президентининг 2863-сонли қарорида Иқтисодиёт вазирлиги, Соғлиқни сақлаш вазирлиги, Меҳнат вазирлигининг 2017 йил 1 майдан соғлиқни сақлаш соҳасида кичик корхоналар ходимлари йиллик ўртача чекланган сонининг 100 кишигача бўлиши тўғрисидаги таклифига розилик берилсин, деб белгиланган. Жамиятимиз (кичик тадбиркорлик субъектларига мансуб) 2016 йилдан бери айни дамга қадар тиббиёт хизматларини кўрсатиш фаолияти билан шуғулланиб келмоқда. Юқоридаги қарорга мувофиқ штат жадвали 100 иш ўрнига тасдиқланган. Ташкилотимиз аҳолига юқори сифатли хизмат кўрсатиш ҳамда тиббиёт соҳасидаги кадрларни иш билан таъминлаш мақсадида бир қатор янги бўлимлар ташкил этишни режалаштирган. Шу муносабат билан қўшимча иш ўринларини яратиш ниятидамиз.