Чет эл валютасини сотиш ва сотиб олишда ҳисоб-китоблар ва бухгалтерия ўтказмалари

Корхона 2022 йил 25 апрелида импорт контракти учун бўнак тўловини амалга оширди. Россиялик ҳамкоримизга олдиндан 4 000 000 рубль тўлаб бердик. Бунинг учун аввал банкдан АҚШ долларини харид қилдик. Бунда АҚШ долларининг МБ курси 11260,28 сўм, банкнинг бизга сотган курси эса 11316,58 сўм эди. Кейин АҚШ долларини сотиб рубль олдик, бунда МБ курси 143,53 сўм, тижорат банки белгилаган кросс-курс эса 72,40 эди. Ҳисоб-китоблар: 4 000 000 рубль сотиб олиш учун 55 248,62 АҚШ доллари керак эди (4 000 000 / 72,40 = 55 248,62). Бунинг учун ҳисоб-китоб счётимиздан АҚШ долларини олиш учун 625 225 428,12 сўм жўнатдик (55248,62 х 11316,58). Шунда АҚШ долларини сотиб олганимизда 3 110 497,31 сўм зарар кўрдик (55248,62 х (11316,58-11260,28)). Рубль сотиб олганимизда эса 284 520 000 сўм фойда кўрдик, яъни 4 000 000 рубль х 143,53 сўм = 574 120 000 сўм (МБ курси бўйича), 4 000 000 рубль х 72,40 сум=289 600 000 сўм тижорат банки курси бўйича, фарқи бизнинг фойдамиз 574 120 000 - 289 600 000 = 284 520 000 сўм. Ушбу операцияларнинг ҳаммаси 25.04.2022 йилда амалга оширилган.