АВ бўйича илгари ҳисобга олинган ҚҚСга тузатиш киритиш
Саволнинг ID си: 23713
Корхона 2 йил олдин ускуна харид қилган эди. Унинг бошланғич қиймати 1 000 000 сўмни ташкил этиб, харид қилиш пайтида тўланган ва ҳисобга олишга киритилган ҚҚС – 150 000 сўм. Амортизациянинг нормаси йиллик 20% миқдорида ўрнатилган бўлиб, амортизацияни ҳисоблаш усули – тўғри чизиқли. Ускуна 2 йил давомида фойдаланилган ҳолда, у 40%га амортизация қилинган, тегишинча, унинг қолдиқ қиймати 600 000 сўмни ташкил этади. Қайта баҳолаш амалга оширилмаган. Эндиликда, биз ускунани 600 000 сўм қолдиқ қиймати бўйича утилизация қиладиган бўлдик. Биз ушбу асосий воситага тегишли бўлган ҳисобга олишга киритилган ҚҚСни, СКнинг 269-м. 5-қ.га мувофиқ қайта тиклашимиз лозим.
Корхона 150 000 сўм миқдоридаги ҚҚСни қайта тиклаши лозимми ёки 90 000 сўм миқдоридаги ҚҚСни қайта тиклаши лозимми?
Экспертларнинг жавоблари:
03.01.2023
Рус тилида ўқиш
AВ бўйича илгари ҳисобга олинган ҚҚСни қайта тиклаш СКнинг 270-моддаси асосида амалга оширилади. Тузатиш киритиладиган ҚҚС суммаси, АВ бўйича илгари ҳисобга олишга қабул қилинган солиқ суммасидан келиб чиққан ҳолда, унинг бундай тузатиш киритиладиган кундаги баланс (қолдиқ) қийматига (қайта баҳолашни ҳисобга олмаган ҳолда) мутаносиб равишда ҳисобланади. Бунда, тузатиш киритилган солиқнинг суммаси АВ баланс қийматининг ошиши билан боғлиқ бўлади (СК 270-м. 2-қ.). Тегишинча, агар корхона АВ бўйича ҳисобга олишга қабул қилинган ҚҚСни қайта тиклашга мажбур бўлса, унда ушбу сумма 90 000 сўмни (600 000 х 15 %) ташкил этади.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Бизнинг Facebook
Телеграм канали @uz_buxgalter
