Товарларни сотиб олиш билан боғлиқ харажатларни тан олиш

Корхона улгуржи савдо билан шуғулланади, импорт қилинган товарларни маҳаллий бозорда сотади. Фаолият жараёнида товарларни импорт қилиш билан боғлиқ қўшимча харажатларни тасдиқловчи ҳужжатлар кечикиб олинган ҳолатлар мавжуд бўлиб, ушбу товар аллақачон сотилган бўлиши ҳам мумкин. Ҳужжатлар бизга боғлиқ бўлмаган сабабларга кўра кечиктирилади. Масалан, БҚҲБ постининг буюртма-нарядлари бир ой кечикиш билан ёки лицензияловчи давлат органларининг ЭҲФси ҳам кечикиб келади. Биз бундай харажатларни 9410 «Сотиш харажатлари» счётига киритамиз, чунки уларга тегишли бўлган товарлар энди корхонада мавжуд эмас. Бизда аудит текшируви ўтказилди, текширув давомида аудиторлар бу ёндашув ноқонуний эканлигини тушунтиришди, чунки бу билан биз сотиб олган товарларнинг таннархини паст баҳолар эканмиз.