Солиқ солиш мақсадида халқаро ташишлар қандай ҳисобга олинади

Корхона солиқ инспекциясидан олган хабарномада ёзилишича, реализация қилинган товарлар таннархи асоссиз равишда оширилган. Тизим хизматлар импортини ҳисобга олмагани таннархни ҳисоблаш формуласидан кўриниб турибди. Корхона товарларни импорт қилади. Транспорт хизматларига импорт контракти тузилган. Хизматларни кўрсатиш якунига кўра далолатнома расмийлаштирилган. Ҳужжатлар ТСОЯЭАТда рўйхатдан ўтказилган. Транспорт хизматлари қиймати бошқа ҳеч қаерда акс эттирилмайди, сабаби хизматлар Ўзбекистонда кўрсатилмагани муносабати билан уларга ҚҚС солинмайди. Бундай хизматларга ҳисобварақ-фактура тақдим этилмайди. Бунда хизматлар қиймати 4-сон БҲМСга мувофиқ товар таннархига киритилади.