E-aktiv тизимида лизинг объектини акс эттириш

ҚҚС тўловчи корхонанинг асосий фаолият тури мол-мулкни молиявий ижарага бериш ҳисобланади. Лизингга бериш учун сотиб олинган мол-мулк 0800-«Капитал қўйилмалар» счётида акс эттирилади ва лизингга берилганда 9220-«Бошқа активларнинг чиқиб кетиши» счёти орқали балансдан ҳисобдан чиқарилади. Яъни бухгалтерия ҳисобида лизинг объектлари асосий воситалар, товарлар ёки захиралар сифатида қайд этилмайди. Улардан тўғридан-тўғри корхонанинг хўжалик фаолиятида фойдаланилмайди, чунки қабул қилиш-топшириш далолатномаси имзоланганидан ва ЭҲФ тақдим этилганидан сўнг дарҳол лизингга олувчига фойдаланишга берилади. 22.09.2021 йилдаги 595-сон ВМҚ ва унга 22.08.2022 йилдаги 471-сон ВМҚ билан киритилган ўзгартиришларга мувофиқ, 2023 йил 1 мартдан бошлаб ҚҚС тўловчилари АВ, НМА ва моддий ресурсларни мажбурий тартибда «E-aktiv» дастурида акс эттиришлари керак.