Лизинг объекти чиқиб кетишидан зарар кўрилганда фойда солиғи

Лизинг шартномасига биноан корхона 2018 йилнинг декабрь ойида бинонинг бир қисмини лизингга олди. Лизинг объектининг қиймати 3 523 млн сўм бўлган. 2018 йилда корхона ЯСТ тўловчиси ҳисобланган. 2019 йил 1 январда объект фойдаланишга жорий қилинган бўлиб, амортизация ажратмалари ҳисобланган ва корхона ҚҚС ва фойда солиғини тўлашга ўтган. Корхона сўндириш жадвалига мувофиқ асосий қарз ва фоизларни сўндирган. 2022 йил октябрида корхонада 2 624 млн сўм миқдорида сўндирилмаган асосий қарз қолдиғи қолган. Келгусида у лизинг тўловларини амалга оширишга қодир бўлмасдан, лизинг берувчи лизинг объектини қайтариб олиб, бошқа юридик шахсга топширган. Корхонада лизинг объекти (АВ)нинг чиқиб кетишидан зарар юзага келган.