Кўчмас мулкнинг мулкдори ўзгарганида ЭҲФ расмийлаштириладими

Банк А корхонага 4 йил муддатга 1 млрд сўмлик (ҚҚС билан) кўчмас мулкни 20 % олдиндан тўлов асосида бўлиб-бўлиб тўлаш шарти билан берди. Бунда кўчмас мулк бўйича мулк хуқуқи сотувчи ихтиёрида қолдирилиб, қарздорлик тўлиқ қопланганидан сўнг харидорга ўтказиб беришга келишилди. Харидорга белгиланган тартибда банк томонидан ЭСФ тақдим этилди ва бюджетга солиқ тўлови амалга оширилди. Харидор икки йил давомида кўчмас мулк қийматининг 40 %ини тўлади. Учинчи йилга келиб А корхона молиявий қийинчилик сабабли қарзни тўлай олмаслиги маълум қилди. Банк, А ва В корхона ўзаро келишган ҳолда уч томонлама қарзни ўтказиш шартномаси орқали қолган қарздорлик В корхона номига ўтказилди. А ва В корхоналар кўчмас мулкнинг дастлаб тўланган қисмини ўзаро ҳисоб-китоб қилиши келишиб олинди. Кўчмас мулкнинг қолган қийматини банкка В корхона тўлиқ тўлади, банк эса кўчмас мулк бўйича мулк ҳуқуқини В корхонага ўтказиб берди.