СК 227-1-моддасига кўра солинадиган жарима

СК 227-1-моддасида «Фискал белгиларни акс эттириш ёхуд автоматлаштирилган ҳисобга олиш ўлчов воситалари билан жиҳозлаш ёки солиқ органларининг ахборот тизимлари билан интеграция қилинишини таъминлаш бўйича қонунчиликда белгиланган талабларни ёки тартибни, шунингдек товарларни (маҳсулотларни) идентификация воситалари орқали мажбурий рақамли маркировкалаш қоидаларини бузиш - реализация амалга оширилган охирги ҳисобот чорагида олинган соф тушум миқдорида жарима солишга сабаб бўлади», дейилган. Лекин рус тилидаги тахририда "влечет наложение штрафа в размере чистой выручки, полученной в последнем отчетном квартале, в котором имела место реализация", дейилган. Бир юридик шахснинг алоҳида-алоҳида 2 та чакана савдо шаҳобчаси бор. Солиқ органи томонидан ўтказилган текширувда 1 та савдо шаҳобчасида юқорида айтилган ҳуқуқбузарлик содир бўлганлиги аниқланди. Корхонанинг бошқа даромад келадиган манбалари ва бошқа даромад турлари мавжуд эмас.