Акция бўйича товар текинга берилишининг солиқ оқибатлари

Корхона дистрибьюторлик фаолияти билан шуғулланади. Ишлаб чиқарувчи ўзининг барча дистрибьюторларига товарни акция тариқасида тарқатиш ҳақида буйруқ чиқарган. Унга асосан 2023 йил 11 декабрдан 31 декабрга қадар акция ўтказилган. Мисол учун 7 блок салқин ичимлик харид қилинса, 1 блок салқин ичимлик текинга берилган. Акцияга тарқатиладиган товарни харид қилиш нархида ҚҚС билан ЭҲФ асосида кирим қилдик. Акция тугаганидан кейин эса акция асосида тарқатилган товарни харид нархида ҳисоблаб, «маркетинговые услуги» деб ҚҚС билан ишлаб чиқарувчига ЭҲФ тақдим этдик. Харидорларга товарни сотганда ЭҲФда 7 блок товар нархини 8 га бўлиб, ҳар бири учун янги нарх чиқариб кўрсатдик. Масалан, 1 блок салқин ичимлик 50 000 сўм турса, 7-тасининг нархи 350 000 сўм бўлади. Бу суммани 8 га бўлсак, 1 блокнинг янги нархи 43750 сўм чиқди. Унга 12% ҚҚС қўшиб, шу 8 блок учун 42 000 сўмлик ҚҚС ҳисобланди.