Вохидов Махкам Мубинович
Должность: - юрист
Специализация: хозяйственное, трудовое, уголовное и др. право
Авваламбор, хусусий уй-жой мулкдорлари (матн давомида - ширкат) хамда уй-жой мулкдори (матн давомида – мулкдор) ўртасидаги ушбу - олдиндан тўлов масаласини тўғридан тўғри хал қиладиган меъёрий ҳужжат мавжуд эмаслигини қайд этиб ўтиш лозим.
Шу боис, мазкур масалага «Хусусий уй-жой мулкдорларининг ширкатлари тўғрисида»ги Қонунининг (матн давомида - Қонун) тегишли моддаларини таҳлил қилган ҳолда ечим топиш керак бўлади.
Биринчидан, ширкат ўз уставига мувофиқ ўзини ўзи бошқариш асосида фаолият кўрсатувчи нодавлат ташкилоти эканлигини қайд этиш лозим. (Қонун – 3 моддаси). Шундан келиб чиққан ҳолда, ширкатнинг устави, ёки унинг аъзоларининг умумий йиғилиши томонидан ушбу масала ҳал этилиши лозим. Агар у очиқ қолдирилган бўлса, қайта ҳисоб-китоб қилиш ва фарқни мулкдордан тўлашни талаб қилиш учун асос мавжуд эмас.
Маълумот ўрнида, Вазирлар Маҳкамасининг 15.07.2014 йилдаги 194-сонли Қарори билан тасдиқланган Қоидаларнинг барчасида коммунал хизматлар - сув ва иссиқлик қуввати етказиб берганлик ҳамда чиқиндиларни олиб кетганлик учун 1 йилдан ортиқ бўлмаган муддат учун олдиндан тўлов амалга оширилиб, ушбу давр мобайнида нархлар ошган тақдирда қайта ҳисоб-китоб қилинмаслиги, яъни истъемолчидан фарқ олинмаслиги қайд этилган.
Жавоблар улар эълон қилинган санада долзарб ҳисобланади.