Ҳомийлик ёрдами сифатида бериб юбориш учун қурдирилган бино ҳисоби ва солиқ оқибатлари

Ишлаб чиқариш фаолияти билан шуғулланувчи корхона ҚҚС ва фойда солиғи тўловчиси. Корхонага ҳокимликлар ва таъсисчилар томонидан ҳомийлик ёрдами сифатида мактабларни, боғча, шаҳарда жойлашган бошқа ижтимоий объектларни қуриш, таъмирлаш, ободонлаштириш ишлари юклатилади. Корхонанинг ўзи қурилиш фаолияти билан шуғулланмаганлиги сабабли пудрат шартномаси асосида қурилиш ташкилотлари ёлланади. Ушбу қурилиш ташкилотлари қурилиш ишларини бажарар экан, ҳар ойда ҚҚСли ЭҲФлар жўнатишади. Бу ЭҲФлар суммаларини 0810 ёки 3100 счётларда капитализация қилиб борамиз. Объектлар қурилиши тугалланганида сўнг, улар топшириш-қабул қилиш далолатномалари ва ЭҲФ расмийлаштирилиб ҳокимиятга, МФЙ ёки мактаб ва мактабгача таълим муассалаларига бепул (хомийлик сифатида) топширилади.