Комиссия шартномаси асосида жисмоний шахс-комитент манфаатида импорт қилинган ярим тиркама харид қилиш бўйича бухгалтерия ҳисоби

МЧЖ шаклидаги корхона томонидан чет эл компаниясидан 3 дона ярим тиркама харид қилинди. Шундан 2 донаси комиссия шартномаси асосида жисмоний шахслар учун олиб келинган ва улар номига божхона расмийлаштирувидан ўтказилган ҳолда топширилди. 1 дона ярим тиркама эса корхона эҳтиёжлари учун олиб келиниб, тўғридан-тўғри корхона номига расмийлаштирилди ва балансга қабул қилинди. Барча 3 дона ярим тиркамалар учун чет эл компаниясига тўлов бевосита корхона томонидан амалга оширилди. Комиссия шартномасига мувофиқ, жисмоний шахслар томонидан олинган ярим тиркамалар учун улар контракт қийматини ва унга қўшимча равишда 1% миқдорида комиссия тўловини корхонага тўлашлари белгиланган.