Ўзбекистон худудида халқаро тўлов тизимлари орқали ҳисоб-китоблар

Норезидент бўлган чет эл фуқаролари билан хусусий турар жой ҳисобланган талабалар турар жойидан фойдаланиш (ижара) шартномасини тузилиши режалаштирилмоқда. “Ташқи иқтисодий фаолият тўғрисида”ги Қонуннинг 11-моддасига мувофиқ Ўзбекистон Республикасининг юридик ёки жисмоний шахси томонидан хорижий давлатнинг юридик ёки жисмоний шахси учун ишлар бажариш (хизматлар кўрсатиш), уларнинг бажарилиш (кўрсатилиш) жойидан қатъи назар, ишлар (хизматлар) экспорт ҳисобланади. Бироқ, “Валюта муносабатларини тартибга солиш тўғрисида”ги Қонуннинг 9-моддасида белгиланишича Ўзбекистон Республикаси ҳудудида реализация қилинадиган товарлар (ишлар, хизматлар) нархларининг чет эл валюталарига ва шартли бирликларга боғланишига йўл қўйилмайди ва Ўзбекистон Республикаси ҳудудида товарлар (ишлар, хизматлар) учун барча ҳисоб-китоблар ва тўловлар Ўзбекистон Республикаси валютасида амалга оширилади, бундан ушбу Қонун билан назарда тутилган ҳолатлар мустасно.