Харажатларни қоплаш учун ЭҲФ расмийлаштириш

Лизинг компанияси лизингга олувчининг аризасига асосан аукцион орқали давлат рақам белгисини (авторақам) сотиб олди. Рақам учун тўланган маблағни мижоз лизинг компаниясининг ҳисоб рақамига ўтказди. Давлат рақами аукцион орқали олинади, бунда ЭҲФ расмийлаштирилмайди, тўлов инвойс асосида амалга оширилади. Ҳозир лизингга олувчи ушбу сумма бўйича ЭҲФ расмийлаштириб беришни талаб қилмоқда. Агар оддий икки томонлама ЭҲФ расмийлаштирилса, ушбу сумма лизингга берувчининг даромади сифатида акс этиб қолади, холбуки бу лизингга берувчининг хизмат ҳақи эмас, балки лизингга олувчи учун амалга оширилган харажатнинг қопланишидир.