Солиқ аудитидан ўтказилган давр учун аниқлаштирилган ҚҚС ҳисоб-китоби рад этилиши асослими

Жамият қўшилган қиймат солиғи (ҚҚС) тўловчиси ҳисобланади. Товарлар ва хизматлар бўйича жамиятга расмийлаштирилган ҳисобварақ-фактуралар асосида ҚҚС ҳисобга олинган. Кейинчалик, айрим етказиб берувчилар томонидан ҳисобварақ-фактураларга аниқлик киритилиб, тегишли солиқ суммалари бюджетга тўланганидан сўнг, жамият томонидан аввал тақдим этилган ҚҚС ҳисоботида хато мавжудлиги аниқланган. Шу муносабат билан жамият хатони тузатиш мақсадида аниқлаштирилган (қайта тузатилган) ҚҚС ҳисоботини электрон шаклда тақдим этган. Бироқ солиқ органи томонидан мазкур аниқлаштирилган ҳисоботни қабул қилиш рад этилган. Жамият ҳисоботни Солиқ кодексининг 88-моддасида белгиланган даъво қилиш муддати доирасида тақдим этган ҳамда ҳисоботни қайта тақдим этиш сабабларини кўрсатиб, солиқ органига электрон шаклда мурожаат қилган. Шунингдек, ушбу масала юзасидан Солиқ қўмитасига ҳам мурожаат юборилган. Солиқ органи томонидан аниқлаштирилган ҳисоботни қабул қилишни рад этишга асос сифатида аввал солиқ аудити ўтказилганлиги ва Солиқ кодексининг 140-моддаси қоидалари келтирилмоқда.