ҚҚС базасини тўғрилаш учун расмийлаштирилган ЭҲФни фойда солиғи ҳисоб-китобида акс эттириш

Жамият импорт қилинган товарларни божхона қийматидан паст нархда сотган. Шу муносабат билан, СКнинг 248-моддаси бешинчи қисмига асосан (импорт қилишда амалда тўланган ҚҚС суммасидан кам бўлмаган миқдорда ҚҚС ҳисобланиши лозимлиги сабабли), ҚҚС базасини тўғрилаш мақсадида бир томонлама электрон ҳисобварақ-фактура расмийлаштирилган. Ушбу бир томонлама ҳисобварақ-фактурани расмийлаштиришдан мақсад ҚҚСни тўғри ҳисоблаш ва тўлашдан иборат. Бироқ, мазкур ҳисобварақ-фактурада акс эттирилган сумма (товарни божхона қийматидан паст нархда сотиш натижасида юзага келган фарқ) фойда солиғини ҳисоблашда ҳам жами даромад таркибига киритилмоқда. Жамиятнинг фикрича, ушбу ҳисобварақ-фактура суммаси фойда солиғи бўйича солиқ базасини ҳисоблашда жами даромад таркибига киритилмаслиги лозим.