Жамиятимиз 2012 йил январь ойида ташкил этилган. 2012-2013 йилларда фақат қишлоқ хўжалиги маҳсулотлари етиштириш билан шуғулланган ҳамда ягона солиқ тўловини тўлаган. 2014 йилдан ягона ер солиғини тўлаш тартибига ўтган. Жамиятнинг асосий фаолият тури қишлоқ хўжалиги маҳсулотлари етиштириш ҳисобланади, бундан ташқари у чакана савдо фаолиятини амалга оширади. Модомики 2014 йил якунлари бўйича қишлоқ хўжалиги маҳсулотлари етиштириш товар айланмасининг 70 фоизини ташкил этган, товар айланмасининг қолган 30 фоизи чакана савдога тўғри келган экан, асосий фаолиятдан ягона ер солиғи ва чакана савдо фаолиятидан ягона солиқ тўловини тўлаш амалга оширилмоқда. Бироқ 2015 йилнинг II чораги учун солиқ ҳисоботи топширилгандан кейин солиқ инспекцияси 2 чоракда Жамиятнинг чакана товар айланмаси қишлоқ хўжалиги маҳсулотлари ишлаб чиқаришга нисбатан кўпроқни ташкил қилгани туфайли ЯСТнинг энг кам миқдорини ҳисобга олган ҳолда уни тўлашни талаб қилди. Бизнинг ҳисоб-китобимиз асосида аниқланишича, III чорак якунлари бўйича қишлоқ хўжалиги маҳсулотлари етиштириш 65 фоизни, чакана савдо фаолияти эса 35 фоизни ташкил қилади.