Адлия вазирлиги томонидан 2000 йил 14 январда 871-сон билан рўйхатдан ўтказилган Алкоголли маҳсулотларни сотиш ва олдиндан ҳақ тўлаш миқдорларини аниқлаш тартибининг 2.1-бандига биноан алкоголли маҳсулотларни ишлаб чиқарувчилар савдо қилувчи ташкилотларга товарни шу шартларда юклаб жўнатадиларки, сотилган товарлар учун олдиндан ўтказилган пул маблағларининг миқдори шартлашилган бутун миқдорнинг акциз солиғи суммасини ўз ичига олиши керак. Шартномалар узоқ муддатларга (бир йил ва ундан ортиқ) тузилган ҳолларда, уларга маҳсулотни юклаб жўнатиш жадвали илова қилиниши ва олдиндан пул ўтказиш миқдори ҳақиқий юклаб жўнатилган миқдор акциз солиғининг суммасини ўз ичига олиши керак. Президентнинг 1995 йил 12 майдаги ПФ-1154-сон Фармонига асосан товарлар амалда жўнатилган, ишлар бажарилган, хизматлар кўрсатилган кундан бошлаб тўқсон кун ўтгандан кейин, етказиб берилган товарлар, кўрсатилган хизматлар ва бажарилган ишлар учун маблағлар келиб тушмаганлиги муддати ўтиб кетган дебиторлик қарзи деб ҳисобланади. Масалан, алкоголли маҳсулотларни ишлаб чиқарувчи корхона маҳсулот харид қилувчи ташкилотга 2015 йилнинг 1 апрель куни таркибида акциз солиғи суммаси 15 млн сўмни ташкил этувчи жами қиймати 50 млн сўмлик маҳсулотларни 20 млн сўм олдиндан тўлов билан 1-сон ҳисобварақ-фактура орқали реализация қилди ва кун охирида корхонанинг ушбу харидор бўйича дебитор қарзи 30 миллион сўмни ташкил этди. Ушбу икки хўжалик юритувчи субъект ўртасида тузилган хўжалик шартномасига асосан, юклаб жўнатилган маҳсулот учун ҳақ тўлаш муддати кўрсатилмаган. Демак, харидор ташкилот қарздорлик суммасини 90 кун муддатдан, яъни 2015 йилнинг 30 майидан кечиктирмай сўндириши лозим. Корхона 2015 йил 20 апрель ҳолатига харидор ташкилотдан 30 млн сўм дебитор қарзи мавжуд бўлган ҳолда 2-сон ҳисобварақ-фактура орқали таркибида акциз солиғи суммаси 20 млн сўмни ташкил этадиган жами қиймати 60 млн сўмлик маҳсулотларни 19 апрель санасида корхонанинг ҳисоб рақамига 25 млн сўм ўтказиб берилгандан сўнг, ушбу тўлан