Вохидов Махкам Мубинович
Должность: - юрист
Специализация: хозяйственное, трудовое, уголовное и др. право
Авваламбор шуни қайд этиш лозимки, «Хўжалик юритувчи субъектлар фаолиятининг шартномавий-ҳуқуқий базаси тўғрисида»ги Қонуннинг 4-моддасига мувофиқ хўжалик шартномалари тарафларнинг эркинлиги, ўзаро манфаатдорлиги, шартнома интизомига риоя этиши ва ўзаро мулкий жавобгарлиги тамойиллари асосида тузилилиши кўрсатилган.
Шу каби, Фуқаролик кодексининг 354-моддасида юридик шахслар шартнома тузишда эркинлиги, шартнома тузишга мажбур қилишга йўл қўйилмаслиги белгиланган. Шу билан бирга шартнома тузиш бурчи қонунда ёки олинган мажбуриятда назарда тутилган ҳоллар бундан мустасно эканлиги ҳам кўрсатилган.
Шунингдек, ушбу моддада шартноманинг шартлари тарафларнинг хоҳиши билан белгиланиши, тегишли шартнинг мазмуни қонун ҳужжатларида кўрсатиб қўйилган ҳоллар бундан мустасно эканлиги белгилаб қўйилган.
Хат муаллифи тақдим этган шартноманинг 2.5–бандига кўра, харидорга етказиб берилгунга қадар товарнинг чакана нархи ошган тақдирда, харидор, унга тегишли хабарнома келиб тушган кундан бошлаб 10 банк куни ичида қўшимча тўловни амалга ошириши лозим.
Шартноманинг 3-бўлимида товарнинг етказиб шартлари белгиланган бўлиб, унда товарнинг 2016 йилнинг 30 апрель санасига қадар етказиб берилиши, бунда етказиб бериш – харидорнинг ўзи товарни дилернинг омборхонасидан олиб кетиш шарти билан амалга оширилиши белгиланган.
Юқорида баён қилинганлардан кўриниб турибдики, кўриб чиқилаётган ҳолатда сотувчининг талаблари томонлар ўртасида тузилган шартнома доирасида амалга оширилган.
Жавоблар улар эълон қилинган санада долзарб ҳисобланади.