Корхонамиз ЯСТ тўловчиси ҳисобланади. Корхона балансида ишлаб чиқариш ускунаси ва ишлаб чиқариш биноси мавжуд. Ҳозирги пайтга қадар корхона юқорида кўрсатилган асосий воситалардан фойдаланган ҳолда ишлаб чиқариш фаолияти билан шуғулланган. 2016 йил январдан бошлаб ускуна ва бинони бошқа шахсга ижарага бериш режалаштирилмоқда. Ҳозирги кунгача ускунани амортизация қилишда белгиланган 15% ўрнига, пасайтирилган 5% ставка қўлланилган. Пасайтирилган амортизация ставкаси ускуна тўлиқ қувватда фойдаланилмаётганлиги ва корхонанинг зарар билан ишлашини олдини олиш учун директор буйруғига асосан амалга оширилган. Эндиликда, ускуна ва бино ижарага берилганда, у қандай қувватда фойдаланилиши бизга номаълум. Бунда агар 2016 йил январдан биз эскириш ставкасини 15% миқдорида қўллайдиган бўлсак, ҳисобланган эскириш суммаси ойига 7 млн сўмни ташкил қилади, ижара суммаси эса ойига 5 млн сўмни ташкил қилади. Яъни ижарадан зарар юзага келаяпти.